Toshkent viloyati Bo'ka tumani hokimligi

Tuman hokimi Sardor Isakulov hamda IIB boshlig‘i Alisher G‘ulomov kommunal tashkilotlarda tashkil etilgan navbatchilik va avariya guruhlarining faoliyati bilan yaqindan tanishdilar.

O‘rganish jarayonida avariya guruhlari xodimlari uchun yaratilgan mehnat sharoitlari, texnika xavfsizligi qoidalariga rioya etilishi, favqulodda holatlarda tezkor harakat qilish uchun zarur bo‘lgan maxsus texnika va qo‘shimcha jihozlar bilan ta’minlanganlik darajasi atroflicha ko‘zdan kechirildi.

Tuman hokimi Sardor Isakulov tomonidan kommunal xizmatlar aholining kundalik hayotiga bevosita ta’sir qiladigan muhim tizim ekanligi, har qanday nosozlik yoki avariya holatiga tayyor turish, murojaatlarga zudlik bilan javob berish va aholi roziligini ta’minlash — eng ustuvor vazifa bo‘lishi kerakligi ta'kidlandi. 

Shuningdek, hokim tomonidan mas’ullarga xodimlar uchun xavfsiz va qulay mehnat sharoitlarini yaratish, texnika xavfsizligi talablariga qat’iy amal qilish, mavjud texnika va jihozlardan samarali foydalanish, zarur hollarda ularni yangilab borish yuzasidan aniq topshiriqlar berildi.

O‘rganish yakunida kommunal xizmatlar faoliyatini yanada takomillashtirish, xizmatlar uzluksizligini ta’minlash hamda aholi murojaatlariga tezkor, sifatli va tizimli yechimlar ishlab chiqish bo‘yicha tegishli vazifalar belgilandi,