Toşkent viloyati Böka tumani hokimligi

Bo‘ka tumani hokimligi katta majlislar zalida navbatdagi “Siyosiy-ma’rifat soati” bo‘lib o‘tdi. Haftalik ushbu uchrashuvda hokim o‘rinbosarlari, tashkilot rahbarlari va “mahalla yettiligi” a’zolari ishtirok etdilar.

Tadbirda hududda olib borilayotgan ma’naviy-ma’rifiy ishlar, ijtimoiy barqarorlikni ta’minlash, aholi murojaatlarini o‘rganish va ularni hal etish mexanizmlarini takomillashtirish masalalari muhokama qilindi.

Bo‘ka tumani hokimi Sardor Isakulov aholining hayot darajasini oshirishga qaratilgan asosiy vazifalarni belgilab berdi. Jumladan, aholi bilan ochiq muloqotni kuchaytirish, mahallalardagi muammolarni joyida o‘rganish, infratuzilma va ijtimoiy xizmatlar sifatini yaxshilash, soliq tushumlarini barqaror ta’minlash, korrupsiyaga qarshi kurashish hamda “Kambag‘allikdan farovonlik sari” dasturining amaliy ijrosini kuchaytirish bo'yicha tizimli ishlarni tashkil etish topshirildi.

Yig'ilishda “Yashil makon” umummilliy loyihasi doirasida daraxt ekish ishlarini tizimli davom ettirish hamda davriy nashrlarga obuna kampaniyasini samarali tashkil etish masalalari ham alohida e’tiborga olindi.

Yig‘ilish yakunida hokim Sardor Isakulov har bir rahbar o‘z yo‘nalishida aholi kayfiyati, yashash sharoiti va ehtiyojlarini doimiy nazoratda olib borishi — hudud barqarorligi va taraqqiyotining eng muhim shartlaridan biri ekanini ta’kidladi.