Bo‘ka tumanida Pokiston bilan o‘zaro hamkorlik istiqbollari muhokama qilindi
2025-10-16 20:05:00 / Yangiliklar
Bo‘ka tuman hokimi B.Begmatov Pakistan Trade Center (PCTC) rahbari Mujahid Ali Khan va UPITC korxonasi rahbari Sohail Moten ishtirokida uchrashuv bo‘lib o‘tdi.
Mazkur uchrashuv davomida tomonlar o‘zaro savdo-iqtisodiy aloqalarni rivojlantirish, investitsiya loyihalarini amalga oshirish va agrosohada ilg‘or tajribalarni joriy etish masalalarini atroflicha muhokama qildilar.
Xususan,
• dukkakli don mahsulotlarini eksport qilish,
• Pokiston tajribasi asosida 100 gektar yer maydonida tajriba tariqasida kartoshka yetishtirish imkoniyatlarini yo‘lga qo‘yish,
• qishloq xo‘jaligida yuqori hosildor navlarni sinovdan o‘tkazish hamda zamonaviy sug‘orish texnologiyalarini tatbiq etish imkoniyatlari ko’rib chiqildi.
Uchrashuv yakunida tomonlar o‘zaro manfaatli hamkorlikni yanada kengaytirish, Bo‘ka tumanining eksport salohiyatini oshirish va yangi ish o‘rinlarini yaratish borasida fikr almashdilar.
Bu tashabbus xalqaro hamkorlikni mustahkamlash, ilg‘or xorijiy tajribalarni amaliyotga tatbiq etish hamda tuman iqtisodiyotining barqaror o‘sishiga xizmat qiladi.