Toshkent shahar Bektemir tumani hokimligi

Bektemir tumani hokimligida tuman hokimi N.Abduraxmanov boshchiligida fuqarolar uchun navbatdagi ochiq qabul bo‘lib o‘tdi. Jarayonda hokim o‘rinbosarlari, tegishli tashkilot va idoralar rahbarlari hamda mutasaddi muassasalar vakillari ishtirok etib, murojaatlarni joyida ko‘rib chiqishdi.

Fuqarolar asosan ish bilan ta’minlash, moddiy yordam, uy-joy va kommunal xizmatlar, obodonlashtirish, ijtimoiy himoya hamda tadbirkorlikni rivojlantirishga oid masalalar bo‘yicha murojaat qildilar. Har bir masala bo‘yicha aniq topshiriqlar berilib, ayrim murojaatlar shu yerning o‘zida hal etildi, qolganlari nazoratga olindi.

Bunday ochiq muloqotlar aholining muammolarini eshitish, ularni tezkor hal etish hamda davlat organlariga bo‘lgan ishonchni mustahkamlashda muhim ahamiyat kasb etmoqda.