Toshkent shahar Bektemir tumani hokimligi

 Bugun Bektemir tumani hokimligida tuman hokimi boshchiligida kengaytirilgan yig‘ilish bo‘lib o‘tdi.

Yig‘ilishda hokim o‘rinbosarlari, tashkilot rahbarlari hamda mahalla yettiligi vakillari ishtirok etdi.

Majlis davomida mahallalarda mavjud muammolarni aniqlash va ularning yechimini ta’minlash maqsadida har bir mahallaga mas’ullar biriktirildi. Shuningdek, aholi turmush darajasini oshirish bo‘yicha qator aniq vazifalar belgilab berildi.

Yig‘ilishda "Dolzarb 90 kun" tadbirlarini samarali tashkil etish, yoshlarni sportga jalb etish, tadbirkorlikni qo‘llab-quvvatlash, ekologik holatni yaxshilash, jamoat xavfsizligini ta’minlash kabi dolzarb masalalar atroflicha muhokama qilindi.