Bekobod şahrini 2040 yilgaça rivojlantiriş konsepsiyasi: şaharsozlik va sanoat taraqqiyoti böyiça uç tomonlama memorandum imzolandi
2026-10-27 18:00:00 / Yangiliklar

2026 yil 27 oktyabr kuni Toşkent viloyati Bekobod şahar hokimi Narimonjon Ismailov Xitoyning «Çina State Construction» korporasiyasi direktorlar kengaşi raisi Gao Bo bilan uçraşdi. Uçraşuvda Bekobod şahrini 2040 yilgaça rivojlantiriş, «Özmetkombinat» AJni modernizasiya qiliş va şaharning istiqbolli boş rejasi konsepsiyasi yuzasidan muzokaralar ötkazildi.
Muloqot davomida şaharning mavjud iqtisodiy va geografik imkoniyatlaridan samarali foydalaniş, sanoatni diversifikasiya qiliş, savdo va logistika infratuzilmasini rivojlantiriş, şuningdek, aholi uçun qulay yaşaş muhitini şakllantiriş masalalariga eʼtibor qaratildi.
Şaharni rivojlantiriş konsepsiyasi «ikki yadro, ikki qanot» modeliga asoslangan bölib, unda eski şahar hududini yangilaş, yangi şaharni rivojlantiriş va kelgusida şaharning şimoli-ğarbiy yönalişda kengayişini taʼminlaş taklif etilgan. Konsepsiyaga muvofiq, eski şahar uy-joy, taʼlim, transport va obodonlaştiriş markazi sifatida rivojlantirilişi, yangi şaharning innovasion yadrosida esa maʼmuriy boşqaruv, biznes va yuqori texnologiyali işlanmalar uçun şaroit yaratilişi közda tutilgan.
Şaharning iqtisodiy ösişini taʼminlaşda sanoatni modernizasiya qiliş va işlab çiqariş zanjirini takomillaştiriş muhim örin tutadi. Xususan, «Özmetkombinat» faoliyatini modernizasiya qiliş, pölatni çuqur qayta işlaş, zamonaviy uskunalar işlab çiqariş hamda ilmiy-tadqiqot yönalişlarini rivojlantiriş konsepsiyaning asosiy yönalişlaridan hisoblanadi. Şu bilan birga, sanoat turizmi imkoniyatlaridan foydalaniş ham taklif etilmoqda.
Bekobodning çegaraoldi hududida joylaşgani ham şahar taraqqiyoti uçun muhim omil sifatida baholanmoqda. Konsepsiyada çegara orqali savdo, bojxona infratuzilmasi, logistika va quriliş materiallari savdosini rivojlantiriş orqali yangi iqtisodiy imkoniyatlarni şakllantiriş nazarda tutilgan. Bu yönalişlar şaharda tadbirkorlik va xizmat körsatiş sohalarini kengaytiriş uçun zamin yaratişi mumkin.
Şaharning tabiiy salohiyatidan samarali foydalaniş ham rejaning muhim qismidir. Xususan, Sirdaryo sohilida zamonaviy jamoat hududlari, sayr yölaklari, dam oliş maskanlari va madaniy-turistik obʼyektlarni taşkil etiş taklif qilingan. Yangi şahar hududida esa ekologik jihatdan qulay turar joylar, madaniyat va savdo maskanlari, yuqori texnologiyali sanoat hududlari hamda tabiatni muhofaza qiliş va dam oliş zonalarini barpo etiş közda tutilgan.
Konsepsiyadagi strategik maqsadlardan biri — Bekobodni sanoat, savdo va xizmat körsatiş sohalari uyğun rivojlangan zamonaviy şaharga aylantirişdir. Unda şahar aholisining sonini 100 mingdan 170 ming kişigaça yetkaziş, eski va yangi şahar örtasida yagona transport tarmoğini şakllantiriş, yöl infratuzilmasini takomillaştiriş hamda aholi uçun qulay yaşaş şaroitlarini yaratiş kabi istiqbolli vazifalar belgilangan.
Şuningdek, savdo va xizmatlar kölamini kengaytiriş, yangi iqtisodiy imkoniyatlarni yuzaga keltiriş va aholi isteʼmol ehtiyojlarining köproq qismini şaharning özida qondiriş orqali Bekobod şahrining iqtisodiy jozibadorligini oşiriş maqsad qilingan.
Taqdim etilgan konsepsiya şaharni 2040 yilgaça rivojlantirişning istiqbolli yönalişlarini belgilab beradi. Ayni paytda u konseptual takliflar majmuasi bölib, loyihalarni amalga oşirişning aniq parametrlari, moliyaviy körsatkiçlari va muddatlari tegişli qarorlar hamda keyingi loyihalaş işlari jarayonida belgilanadi.
Uçraşuv yakunida Bekobod şahar hokimligi, «Özmetkombinat» AJ va «Çina State Construction» korporasiyasi örtasida uç tomonlama memorandum imzolandi. Hujjat şaharning uzoq muddatli rivojlaniş yönalişlari böyiça hamkorlikni yölga qöyiş va istiqbolli taşabbuslarni ilgari surişda muhim qadam böldi.
Uçraşuvdan söng Xitoy delegasiyasi vakillari Bekobod şahridagi qator ijtimoiy obʼyektlar faoliyati bilan yaqindan taniştirildi. Xususan, mehmonlar Nömon ibn Sobit jome masjidi va uning hududida taşkil etilgan kutubxona, şuningdek, «Tumaris skul» nodavlat taʼlim muassasasida bölib, mazkur maskanlarda yaratilgan şaroitlar haqida maʼlumot oldilar.
Delegasiya vakillarining Döstlik mahallasiga taşrifi davomida esa Özbekistonda mahalla institutining öziga xos örni, «mahalla yettiligi» tizimining faoliyati va aholi bilan işlaş mexanizmlari haqida atrofliça tuşuntiriş berildi. Şuningdek, mehmonlar köp qavatli uy-joylarni saqlaş, ularga xizmat körsatiş hamda aholini kommunal xizmatlar bilan taʼminlaşga ixtisoslaşgan boşqaruv servis kompaniyasi faoliyati bilan ham taniştirildi.









