Toshkent viloyati Bekobod shahar hokimligi

O‘zbekiston Respublikasi Prezidentining 2024-yil 15-noyabrdagi 393-sonli qarori ijrosini ta’minlash maqsadida Bekobod shahar 9-sonli umumta’lim maktabi qoshida tashkil etilgan “Jasorat maktabi”da keng ko‘lamli ma’naviy-ma’rifiy tadbir bo‘lib o‘tdi.

Tadbir doirasida “Jasorat maydonchasi”ning tantanali ochilish marosimi hamda “Xalqlar do‘stligi” mavzusida mazmunli madaniy dastur tashkil etildi.

Ushbu tashabbus yoshlarni vatanparvarlik ruhida tarbiyalash, ularning harbiy sohaga bo‘lgan qiziqishini oshirish hamda millatlararo do‘stlik va hamjihatlikni mustahkamlashga xizmat qildi.

Tadbirda Bekobod shahar hokimi Babayev Nasrullo Nurullayevich, Toshkent viloyati Milliy gvardiya boshqarmasi o‘rinbosari, Toshkent viloyati harbiy okrugi qo‘mondonining birinchi o‘rinbosari podpolkovnik A.Rustamov, shuningdek, Mudofaa ishlari bo‘limi vakillari va keng jamoatchilik ishtirok etdi.

So‘zga chiqqan mutasaddilar tomonidan mamlakatimizda yoshlarga qaratilayotgan e’tibor, ularni har tomonlama yetuk va vatanparvar insonlar etib tarbiyalash borasidagi islohotlar alohida ta’kidlandi. “Jasorat maktabi” faoliyati esa bu borada muhim o‘rin tutayotgani qayd etildi.

🎶 Tadbirning badiiy qismida harbiy orkestr chiqishlari ishtirokchilarga ko‘tarinki kayfiyat bag‘ishladi.

💪 “Jasorat sinfi” o‘quvchilarining harbiy-sport chiqishlari esa ularning jismoniy tayyorgarligi, intizomi va jamoaviy hamkorligini yaqqol namoyon etdi.

🌍 Shuningdek, turli millat vakillari madaniyatini aks ettirgan milliy ko‘rgazmalar tashkil etilib, unda xalqimizning boy merosi, millatlararo totuvlik va bag‘rikenglik g‘oyalari yorqin ifoda topdi.

✨ Tadbir yakunida “Jasorat maydonchasi” yoshlar uchun yangi imkoniyatlar eshigini ochishi, ularning bo‘sh vaqtini mazmunli tashkil etish, harbiy-amaliy ko‘nikmalarini rivojlantirish hamda Vatanga sadoqat ruhida tarbiyalashda muhim omil bo‘lishi alohida ta’kidlandi.