Toshkent viloyati Bekobod shahar hokimligi

Qizlar o‘rtasida erta nikoh va huquqbuzarlikning oldini olish – dolzarb masala
Bekobod shahar maktabgacha va maktab ta’limi bo‘limiga qarashli 5-umumta’lim maktabida “Men qonunni bilaman” mavzusida ma’rifiy tadbir bo‘lib o‘tdi.
Tadbirda shahar Oqila ayollar harakati rahbari, Xalq deputatlari Bekobod shahar Kengashi deputati, 1-darajali huquqshunos G.Sharipova, Bekobod shahar IIB XQMB katta inspektori N.Dexqanova hamda mahalla xotin-qizlar faollari ishtirok etdilar.
Suhbat davomida o‘quvchi qizlar bilan erta nikohning oldini olish, huquqbuzarliklarning salbiy oqibatlari, axloq-odob, ta’lim olish imkoniyatlari hamda oila–maktab–mahalla hamkorligining ahamiyati haqida fikr almashildi.
Tadbir yakunida qizlarga yaratilgan imkoniyatlardan oqilona foydalanish, bilim olishga mas’uliyat bilan yondashish va kelajak sari ongli qadam qo‘yish bo‘yicha tavsiyalar berildi.
Bunday uchrashuvlar yoshlar o‘rtasida huquqiy madaniyatni yuksaltirishda muhim o‘rin tutadi