Toshkent viloyati Bekobod tumani hokimligi

Nazarboy mahallasida zovur yoqalaridan samarali foydalanib, namunali faoliyat yuritayotgan tadbirkor tajribasi bilan yaqindan tanishish maqsadida OAV vakillari ishtirokida press-tur tashkil etildi. 📸 Tadbir davomida tadbirkor o‘z faoliyati haqida batafsil ma’lumot berib, mahalla hokim yordamchisining amaliy ko‘magi bilan ilgari foydalanilmay kelgan zovur atrofi qisqa vaqt ichida daromad manbaiga aylantirilganini ta’kidladi. 🌱 Bugungi kunda ushbu hududda: 🔹 bog‘dorchilik rivojlantirilgan; 🐄 chorvachilik yo‘lga qo‘yilgan; 🐓 parrandachilik kengaytirilgan; 🐟 baliqchilik samarali tashkil etilgan; 🐝 asalarichilik orqali qo‘shimcha daromad manbalari yaratilgan. 💼 Eng muhimi, ushbu tashabbuslar natijasida mahallada yangi ish o‘rinlari yaratilmoqda, aholi bandligi va daromadlari oshib bormoqda. 📊 Press-tur ishtirokchilari mazkur tajribani kichik hududlardan oqilona va samarali foydalanishning yorqin namunasi sifatida e’tirof etdilar. 🚀 Nazarboy mahallasida amalga oshirilayotgan bunday tashabbuslar nafaqat tadbirkorlikni rivojlantirish, balki hududlarni obod etish, aholi turmush farovonligini yuksaltirish va iqtisodiy faollikni oshirishga xizmat qilmoqda. Unumli mehnat va tashabbuskorlik — taraqqiyot garovi!