#Brifing Bekobod tumani Favqulodda vaziyatlar bo‘limi boshlig‘i o‘rinbosari Z. Xurramov ishtirokida brifing tashkil etildi. Brifing davomida yoz mavsumida fuqarolarning suv havzalarida xavfsizligini ta’minlash, cho‘kish bilan bog‘liq baxtsiz hodisalarning oldini olish hamda cho‘milish qoidalariga qat’iy rioya etish masalalariga alohida e’tibor qaratildi. Ta’kidlanganidek, fuqarolar faqat ruxsat etilgan va maxsus jihozlangan cho‘milish maskanlarida cho‘milishlari, voyaga yetmaganlarni kattalar nazoratisiz suv havzalariga yubormasliklari hamda xavfsizlik qoidalariga amal qilishlari lozim. Shuningdek, aholiga suv havzalarida ehtiyotkorlikni kuchaytirish, o‘z hayoti va yaqinlarining xavfsizligiga befarq bo‘lmaslik yuzasidan tavsiyalar berildi. Brifing yakunida ishtirokchilarni qiziqtirgan savollarga atroflicha javob qaytarildi.