Jinoyat ishlari bo‘yicha Bekobod tuman sudi hamda Bekobod tuman IIB JXX probatsiya guruhi hamkorligida olib borilgan ishlar natijasida nazorat ostidagi 7 nafar shaxslarga nisbatan insonparvarlik dalolatnomasi qo‘llanildi. Ularning jazoni o‘tash davomidagi namunali xulqi inobatga olinib, jazosini muddatidan ilgari shartli ravishda ozod qilish to‘g‘risida qaror qabul qilindi. Bu kabi qarorlar jamiyatda ijtimoiy adolatni ta’minlash, tuzalish yo‘liga kirgan fuqarolarga yangi imkoniyatlar yaratish hamda ularni hayotga qayta moslashtirishda muhim ahamiyat kasb etadi.