Xalq deputatlari Bekobod tumani Kengashining VII-chaqiriq 25-sessiyasi bo‘lib o‘tdi
2026-03-31 16:20:00 / Ochiq ma'lumotlar
Kuni kecha Xalq deputatlari Bekobod tumani Kengashining VII-chaqiriq navbatdagi 25-sessiyasi o‘tkazildi. Unda tumanni ijtimoiy-iqtisodiy rivojlantirish, aholi farovonligini oshirish hamda dolzarb masalalar yuzasidan muhim qarorlar qabul qilindi.
Sessiya kun tartibidan quyidagi masalalar o‘rin oldi:
— “Infratuzilma va ijtimoiy barqarorlik” hamda “Ijtimoiy daftarlar” jamg‘armalari mablag‘larining maqsadli sarflanishi;
— “Fuqarolar tashabbusi jamg‘armasi” mablag‘lari hisobidan 2026-yil 1-mavsum g‘olib loyihalarini moliyalashtirish;
— Tumandagi ichki yo‘llarni saqlash va joriy ta’mirlash bo‘yicha 2026-yil manzilli dastur;
— Ko‘p kvartirali uylar tutash hududlarini obodonlashtirish va ko‘kalamzorlashtirish loyihalari;
— “Yoshlarga oid davlat siyosati to‘g‘risida”gi qonun ijrosi natijalari;
— Kadastr tizimida korrupsiyaning oldini olish bo‘yicha amalga oshirilayotgan ishlar;
— Prezidentning 82-sonli farmoni ijrosi doirasida ijtimoiy xizmatlar sifati;
— Tuman hokimining qarorlarini tasdiqlash masalalari.
Sessiyada mas’ullar tomonidan hisobot va axborotlar tinglanib, har bir yo‘nalish bo‘yicha atroflicha muhokamalar olib borildi.
Yakunda Xalq deputatlari Bekobod tumani Kengashi tomonidan barcha masalalar ko‘rib chiqilib, tegishli qarorlar qabul qilindi.
Qabul qilingan qarorlar tumanni yanada rivojlantirish, aholi turmush darajasini yaxshilash va ochiq hamda samarali boshqaruvni ta’minlashga xizmat qiladi.
