Oʻzbekiston Respublikasi Byudjet kodeksi, Oʻzbekiston Respublikasi Vazirlar Mahkamasining 2021-yil 19-maydagi “Xorijiy tillarni oʻrganishni ommalashtirishni samarali tashkil etish chora-tadbirlari toʻgʻrisida”gi VM-312-son qarori ijrosini taʻminlash maqsadida, Oʻzbekiston Respublikasi "Mahalliy davlat hokimiyati toʻgʻrisida"gi qonunining 6-moddasiga asosan , tuman hokimining birinchi oʻrinbosari E.Imamov bildirishnomasini inobatga olib: 1. Bekobod tumani mahalliy byudjetning zaxira jamgʻarmasi mablagʻlari hisobidan tumandagi 1- va 7-sonli umumtaʼlim maktablarida boshqa xorijiy tillarni (ingliz tili) oʻrganishni ommalashtirishni samarali tashkil etish maqsadida til egasi boʻlgan malakali xorijiy mutaxassislarni jalb qilish, shu jumladan joylashtirish bilan bogʻliq xarajatlarni qoplash uchun tuman maktabgacha va maktab ta’limi boʻlimiga 32,5 mln.soʻm (oʻttiz ikki million besh yuz ming soʻm) mablagʻ ajratilsin. 2. Iqtisodiyot va moliya boʻlimi (D.Oʻrinboyev) tegishli tartibda tuman mahalliy byudjeti parametrlariga oʻzgartirish kiritsin. 3. Gʻaznachilik xizmati boʻlimi (I.Egamberdiyev) va tuman maktabgacha va maktab ta’limi boʻlimi (K.Prnazarov) ajratilgan mablagʻlarni belgilangan tartibda maqsadli va samarali foydalanilishini taʻminlasin. 4. Mazkur farmoyish ijrosini nazorat qilish tuman hokimining birinchi oʻrinbosari E.Imamov zimmasiga yuklatilsin