Oʻzbekiston Respublikasi Byudjet kodeksiga muvofiq, Oʻzbekiston Respublikasi Bosh vazirining 2026-yil 8-fevraldagi “8-mart – Xalqaro xotin-qizlar kuni bayrami munosabati bilan oʻtkaziladigan tadbirlarga tayyorgarlik koʻrish va ularni yuqori darajada oʻtkazish chora-tadbirlari toʻgʻrisida”gi 1-son hamda Toshkent viloyati hokimining 2026-yil 25-fevraldagi 1/10-4-962-son bayonlari ijrosini taʻminlash maqsadida, Oʻzbekiston Respublikasi "Mahalliy davlat hokimiyati toʻgʻrisida"gi qonunining 6-moddasiga asosan, tuman hokimining birinchi oʻrinbosari E.Imamovning bildirishnomasini inobatga olib: 1. Bekobod tumani mahalliy byudjetning zaxira jamgʻarmasi mablagʻlari hisobidan tumandagi xotin-qizlarning davlat va jamiyat hayotidagi oʻrni va nufuzini oshirish, shuningdek, oilalarda maʻnaviy-axloqiy muhitni mustahkamlash, farzandlarimizni Vatanga muhabbat va sadoqat, milliy va umuminsoniy qadriyatlarga hurmat ruhida tarbiyalashga hissa qoʻshayotgan xotin-qizlarni taqdirlash va tadbir oʻtkazish uchun tuman hokimligiga 92 930 000 soʻm (toʻqson ikki million toʻqqiz yuz oʻttiz ming soʻm) mablagʻ ajratilsin. 2. Iqtisodiyot va moliya boʻlimi (D.Oʻrinboyev) tegishli tartibda tuman mahalliy byudjeti parametrlariga oʻzgartirish kiritsin. 3. Gʻaznachilik xizmati boʻlimi (I.Egamberdiyev) va tuman hokimligi (N.Xolboyev) ajratilgan mablagʻlarni belgilangan tartibda maqsadli va samarali foydalanilishini ta’minlasin. 4. Mazkur farmoyish ijrosini nazorat qilish tuman hokimining g birinchi oʻrinbosari E.Imamov zimmasiga yuklatilsin