Surxondaryo viloyati Boysun tumani hokimligi

Joriy yilning 16-aprel kuni Boysun tumanida Maktabgacha va maktab ta’limi bo‘limi tizimidagi ta’lim muassasalari o‘qituvchilari o‘rtasida "Besh tashabbus olimpiadasi" doirasida “Sog‘lom tanda - sifatli ta’lim” shiori ostida O‘zbekiston kasaba uyushmalari federatsiyasi kubogi sport musobaqalarining tuman bosqichi bo‘lib o‘tdi. Jismoniy tarbiya va sport bilan muntazam shug‘ullanadiganlar sonini oshirish, ta’lim muassasalari xodimlarini sport tadbirlariga keng jalb qilish, ular o‘rtasida musobaqalar tashkil qilish, xodimlarning jismoniy faolligi darajasini oshirish, o‘qituvchilarning bo‘sh vaqtlarida sport bilan shug‘ullanishlari uchun sharoit yaratish maqsadida O‘zbekiston ta’lim va fani xodimlari kasaba uyushmasi tuman bo‘limi, Maktabgacha va maktab ta’limi bo‘limi, sport maktabi hamda Yoshlar ishlari tuman bo‘limi hamkorligida Boysun tumanidagi umumta’lim maktablari o‘qituvchilari o‘rtasida sportning mini futbol, voleybol, stol tennisi, shaxmat va shashka musobaqalari tashkil etildi. Musobaqa natijalariga ko'ra: Futbol bo‘yicha 46-maktab jamoasi 1-o‘rinni; Voleybol bo‘yicha erkaklar 33-maktab jamoasi, ayollar 38-maktab jamoasi 1-o‘rin; Stol tennisi bo‘yicha 4, 10-IMA 1-o‘rin; Shashka bo‘yicha 40, 47-maktab 1-o‘rin; Shaxmat bo‘yicha 5,16-maktab 1-o‘rinni qo'lga kiritishdi. Shuningdek, g'olib jamoalarga hamkor tashkilotlarning diplomlari hamda esdalik sovg‘alari topshirildi.