Baxmal tumanida hokim va uning o‘rinbosarlarining fuqarolar qabuli kunlari tasdiqlandi
2026-05-02 10:55:00 / Yangiliklar
O'zbekiston Respublikasi Prezidentining 2026-yil
1-apreldagi "Aholi bilan muloqot tizimini samarali tashkil qilish bo'yicha qo'shimcha chora-tadbirlar to'g'risida"gi PF-51-son Farmoniga asosan O‘zbekiston Respublikasi Prezidentining Jizzax viloyati Baxmal tumanidagi Xalq qabulxonasida tuman hokimi va o‘rinbosarlarining qabul kunlari jadvali tasdiqlandi.
O‘zbekiston Respublikasi Prezidentining 2026-yil 1-apreldagi “Aholi bilan muloqot tizimini samarali tashkil qilish bo‘yicha qo‘shimcha chora-tadbirlar to‘g‘risida”gi PF-51-son Farmoniga asosan O‘zbekiston Respublikasi Prezidentining Jizzax viloyati Baxmal tumanidagi Xalq qabulxonasida tuman hokimi va uning o‘rinbosarlarining fuqarolar qabuli kunlari jadvali tasdiqlandi.
Mazkur jadvalga muvofiq, fuqarolarni qiynab kelayotgan muammolarni o‘z vaqtida o‘rganish, murojaatlarni qonuniy va adolatli hal etish, aholi bilan ochiq va samarali muloqotni ta’minlash maqsadida muntazam qabullar tashkil etiladi. Qabullar davomida fuqarolarning ijtimoiy-iqtisodiy, huquqiy, kommunal, bandlik, tadbirkorlik hamda boshqa masalalarga oid murojaatlari tinglanib, ularni ijobiy hal etish yuzasidan tegishli chora-tadbirlar belgilanadi.
Aholi o‘z murojaatlari bilan belgilangan jadval asosida Xalq qabulxonasiga murojaat qilishi mumkin. Fuqarolarning murojaatlari bilan ishlash, ularning muammolariga yechim topish va xalq bilan muloqotni yanada mustahkamlash davlat organlari faoliyatining ustuvor yo‘nalishlaridan biri hisoblanadi.