Bandixon tumanida xorijiy investorlar bilan uchrashuv o'tkazildi
2025-09-27 11:30:00 / Yangiliklar
Bandixon tumanida qishloq xo'jaligini jumladan, paxtachilikni rivojlantirish borasida xorijiy investorlar bilan muntazam uchrashuvlar va hamkorlik ishlari olib borilmoqda.
Xususan, bugun Bandixon tuman hokimi Abdumalik Allamuradov tomonidan Xitoy Xalq Respublikasidan tashrif buyurgan "PENG SHENG INTERNATIONAL AGRICULTURAL SCIENCE AND TECHNOLOGY" MCHJ vakillari bilan tumanda paxtachilikni rivojlantirish bo'yicha uchrashuv bo'lib o'tdi.
Uchrashuvda Bandixon tumanining iqtisodiy salohiyati, imkoniyatlari, iqlim sharoiti va agrar sohasini rivojlantirish bo'yicha amalga oshirilayotgan ishlar ko'rsatib o'tildi.
Xitoylik investorlar Bandixon tumanidagi mavjud dala maydonlarini joyiga borgan holda ko'rib, tuproq unumdorligi ularga ma'qul bo'ldi. Investorlar tomonidan kelgusida ikki ming gektar yer maydonida paxta yetishtirish bo'yicha qiziqish bildirildi.
Bandixon tuman hokimligi va Xitoylik investorlar o'rtasida yaqin kunlarda hamkorlik bo'yicha shartnomalar tuzishga kelishildi.
Bandixon tumani hokimligi
Axborot xizmati