Bandixon tumanida “Ayollar tadbirkorligini rivojlantirish” mavzusida davra suhbati o‘tkazildi
2025-09-22 10:30:00 / Yangiliklar
Bandixon tumanida “Qishloq tadbirkorligini rivojlantirish – 2-faza” loyihasining “Ayollar tadbirkorligini rivojlantirish” 1.4-subkomponenti doirasida davra suhbati tashkil etildi.
Tadbirda loyihani amalga oshirish jamoasi rahbari D.Otaboyev, Surxondaryo viloyati bo‘yicha koordinator M.Qaxramonov, tuman tashkilotlari, hokim yordamchilari hamda xotin-qizlar faollari ishtirok etdilar.
Davra suhbatida “Ayollar tadbirkorligini rivojlantirish” subkomponenti doirasida ajratiladigan grant tanlovlarida ishtirok etish, grant mablag‘laridan samarali foydalanish tartiblari hamda loyihaning ikkinchi bosqichi haqida ishtirokchilarga amaliy ko‘nikmalar berildi.
Tadbir ayollar o‘rtasida tadbirkorlik faoliyatini yanada rivojlantirish va ularning iqtisodiy faolligini oshirishga xizmat qilishi bilan ahamiyatli bo‘ldi.
Bandixon tumani hokimligi
Axborot xizmati