Ochiq muloqot – samarali hamkorlik garovi
2025-07-19 11:00:00 / Yangiliklar
Kichik va o‘rta biznes subyektlarini qo‘llab-quvvatlash, tadbirkorlar faoliyati uchun qulay shart-sharoitlar yaratish maqsadida viloyat Soliq boshqarmasi tomonidan joylarda tadbirkorlar bilan ochiq muloqotlar o‘tkazilmoqda.
Navbatdagi uchrashuv Bandixon tumanida tashkil etildi. Unda Soliq boshqarmasi boshlig'i E.Narmanov, tuman hokimi A.Allamuradovlar ishtirok etib, kichik va o‘rta biznes vakillarining taklif va murojaatlari tinglandi.
Muloqot davomida tadbirkorlar tomonidan soliq imtiyozlaridan foydalanish, soliq hisobotlarini taqdim etish, qurilishi yakunlanmagan obyektlarga soliq hisoblash tartibi, QQS bo‘yicha salbiy farq summasi qaytarilishi kabi masalalar yuzasidan murojaatlar bildirildi.
O‘rganish va tahlil talab etuvchi murojaatlar bo‘yicha mas’ullarga tegishli topshiriqlar berildi va ularning ijrosi qat’iy nazoratga olindi.
Bandixon tumani hokimligi
Axborot xizmati