Nuroniylar- bilim va boy hayotiy tajriba sohiblari
2025-06-20 18:30:00 / Yangiliklar
O'zbekiston nuroniylari – ma'naviyatimizning baquvvat ildizlari, mehr qo'rg'onlari, Vatanga muhabbatning oltin kitoblari. Bugungi tinchlikning qadrini yoshlarga tushuntirayotgan uyg'oq daryolar. Yurtimizda bugungi kunda nuroniylarimiz e'zozlanib kelinmoqda.
Xususan, bugun Surxondaryo viloyati hokimi Ulug'bek Qosimov rahbarligida viloyatdagi barcha nuroniy otaxon va onaxonlar bilan onlayn videokonfereniya tarzida uchrashuv o'tkazildi.
Uchrashuvda yoshlarimizga bugungi tinch-osoyishta, farovon yurtda yashayotganimizga shukronalik hissini yetkazishda nuroniylarimizning o'rni beqiyosligi ta'kidlandi.
Uchrashuvda Bandixonlik nuroniylarimiz ham ishtirok etishib, bugungi dorilamon kunlarga shukrona keltirishdi.
Tadbirda tuman madaniyat bo'limi san'atkorlari tomonidan yangragan kuy-qo'shiqlar yig'ilganlarga xush kayfiyat ulashdi.
Bandixon tumani hokimligi
Axborot xizmati