Bandixon tumanida “Jasorat sinfi” oʻquvchilarining tantanali “Vaʼda berish” tadbiri bo‘lib o‘tdi
2026-10-06 09:00:00 / Yangiliklar
Bugun tuman Favqulodda vaziyatlar bo'limi, Maktabgacha va maktab taʼlimi bo'limi hamda tegishli tashkilotlar hamkorligida Bandixon tumanidagi 3-sonli umumta'lim maktabining “Jasorat sinfi” oʻquvchilarining tantanali “Vaʼda berish” tadbiri bo‘lib o‘tdi.
Tadbirda bugungi kunda ta'limda amalga oshirilayotgan islohotlar, o‘quvchilar uchun yaratilgan sharoitlar hamda ularni Vatanparvarlik ruhida tarbiyalash haqida so‘z bordi.
Yoshlarimiz o‘z ota-onalari va yaqinlari guvohligida qilgan tantanali vaʼdalari yuksak faxr va g‘urur ramzi ekanligini xis qilgan holda, “Bildirilgan yuksak ishonchni oqlab, O‘zbekiston Respublikasi xalqiga va Prezidentiga bilimli, sadoqatli va mard farzand bo'ladi!” deya alohida eʼtirof etildi.
Tadbirdan koʻzlangan asosiy maqsad — “Jasorat maktabi” oʻquvchilarini kichik yoshdan Vatanga sadoqat ruhida tarbiyalash, ularni jismonan sogʻlom va maʼnaviy yetuk insonlar qilib tarbiyalashdan iborat.
Bandixon tumani hokimligi
Axborot xizmati