Surxondaryo viloyati Bandixon tumani hokimligi

Assalomu alaykum, aziz yurtdoshlar, qadrli tumandoshlar!

Avvalambor, sizlarni va siz orqali barcha xalqimiznitobora eng ulug‘, eng aziz ayyomimiz - mamlakatimiz tarixidagi eng qutlug‘ sanalardan biri bo‘lgan davlat mustaqilligimizning 35 yilligi bayrami bilan chin qalbimdan samimiy muborakbod etaman!

Muhtaram Prezidentimiz rahbarligida amalga oshirilayotgan keng qamrovli islohotlar bugun yurtimizning har bir burchagida, jumladan bizning tumanimizda ham o‘zining yorqin samarasini bermoqda. Xususan, joriy yilda tumanimizda 2 ta davlat maktabgacha ta’lim muassasasi yangidan qurilib foydalanishga topshirildi, 2 ta maktab va 2 ta oilaviy shifokorlik punkti mahalliy byudjet mablag‘lari hisobidan joriy ta’mirlandi, 1 ta oilaviy poliklinika kapital ta’mirdan chiqarildi. Mustaqilligimizning 35 yilligiga munosib tuhfa sifatida tuman soliq inspeksiyasi binosi yangidan qurilibfoydalanishga topshirildi, tumandagi barcha 22 ta mahallada obodonlashtirish va ko‘kalamzorlashtirish ishlari izchil olib borildi. Bundan tashqari, mustaqilligimizning 35 yilligiga munosib tuhfa sifatida Tuman soliq inspeksiyasi uchun yangi zamonaviy binobarpo etilib, foydalanishga topshirildi - bu mehnatkash soliqchilarimizga qilingan munosib sovg‘a bo‘ldi, desak, aslo mubolag‘a bo‘lmaydi.
Tadbirkorlik muhitini erkinlashtirish o‘z samarasini bermoqda. Ma’lumki, tumanimiz 2020-yilda hurmatli Prezidentimiz tashabbusi bilan yangi tuman sifatida tashkiletilgan bo‘lib, shu qisqa davr ichida tadbirkorlar soni 480 tadan 1348 taga, ya’ni 3 barobarga oshdi. Joriy yilning birinchi yarim yilligida tijorat banklari orqali tadbirkorlik dasturlari doirasida 22 milliard so‘mdan ortiq kredit mablag‘i o‘zlashtirilib, 184 ta yangi ish o‘rni yaratildi. Rossiyalik investorlar ishtirokida qo‘shma korxona tashkil etilib, bolalar oziqasi va meva sharbatlari ishlab chiqarish loyihasiga tamal toshi qo‘yildi, jami 30,6 million dollarlik6 ta hududiy loyiha ishga tushirildi, xorijiy investisiyalar borasida esa 5 ta loyiha doirasida 74 million dollardan ortiq mablag‘ jalb etildi.

Aziz tumandoshlar, mustaqillikning eng ulug‘ ne’mati- bu har bir insonimizga, har bir oilamizga bo‘lgan g‘amxo‘rlikdir. Bugun mustaqil O‘zbekistonda hech kim va hech bir oila e’tibordan chetda qolmaydi. Joriy yilning birinchi yarim yilligida "Saxovat va ko‘mak" jamg‘armasi hisobidan 664 nafar ehtiyojmand fuqaroga 269 million so‘mdan ortiq moddiy yordam ko‘rsatildi, kam ta’minlangan oilalar ulushi 12,07 foizdan 7,2 foizga qisqartirildi. Mustaqillikning 35 yilligi munosabati bilan“Ayollar daftari”dagi 10 nafar ehtiyojmand xotin-qizga 168 million 609 ming so‘mlik qurilish materiali beg‘arazajratildi, 856 nafar nogironligi bo‘lgan tumandoshimiz manzilli yordam bilan qamrab olindi, 33 nafar tadbirkorimizga 900 million so‘mlik imtiyozli kredit olishda ko‘mak berildi. Shuningdek, 21 nafar bemorimiz respublika va viloyat shifoxonalarida imtiyozli davolanish orderi bilan, 2 nafar bemorimiz esa respublikadan kelgan mutaxassislar tomonidan yuqori texnologik jarrohlik amaliyotlari bilansog‘lomlashtirilmoqda.
Bularning barchasi - hurmatli Prezidentimiz rahnamoligida mamlakatimizda yuz berayotgan beqiyos o‘zgarishlarning, yurtimiz obodligi va xalqimiz farovonligi yo‘lida olib borilayotgan izchil islohotlarning amaldagi samarasidir.
 
Aziz tumandoshlar! Yana bir bor sizlarni Vatanimizning 35 yillik Istiqlol bayrami bilan chin qalbimdan tabriklar ekanman, barchangizga sihat-salomatlik, baxtu-saodat, xonadonlaringizga fayzu-baraka tilayman.
 
Yurtimiz tinch, osmonimiz hamisha musaffo, O‘zbekistonimiz mustaqilligi abadiy bo‘lsin, dunyo turguncha tursin! Barcha ezgu ishlarimizda Yaratganimizning o‘zi madadkor bo‘lsin! Mana shu qutlug‘ bayram barchamizga muborak bo‘lsin!

Bandixon tumani hokimligi
Axborot xizmati