Surxondaryo viloyati Bandixon tumani hokimligi

Bandixon tumanida umumta’lim maktablarini 2026–2027-o‘quv yiliga puxta tayyorlash bo‘yicha amaliy ishlar izchil davom etmoqda.

Surxondaryo viloyati hokimining topshirig’iga asosan ta’lim muassasalarida o‘quvchilar uchun yanada qulay va zamonaviy sharoit yaratish maqsadida sinfxonalarni ta’mirlash, infratuzilmani yaxshilash hamda moddiy-texnik bazani mustahkamlash bo’yicha Bandixon tumanida seminar tashkil etildi.

Tuman hokimi Abdumalik Allamuradov boshchiligida maktablarni ta’mirlash va yangi mavsumga tayyorlash uchun 5 turdagi qurilish materiallari ajratildi.

Tumandagi 45 ta umumta’lim maktabiga mahalliy budjet mablag‘lari hisobidan 300 million so‘mga yaqin qiymatdagi qurilish materiallari yetkazib berildi. Ushbu materiallar orqali sinfxonalar, sanitariya xonalari, tashqi hududlar hamda boshqa infratuzilma obyektlarida ta’mirlash ishlari olib boriladi.

Eng muhimi, bu kabi amaliy yordam maktablarda sifatli ta’lim muhiti yaratish bilan birga, ota-onalar va fuqarolardan turli noqonuniy pul yig‘imlarining oldini olishga ham xizmat qiladi.

Farzandlarimizning sifatli ta’lim olishi va zamonaviy sharoitda tahsil olishi yo‘lida ishlar davom etadi.

Bandixon tumani hokimligi
Axborot xizmati