Bandixon tumanida xotin-qizlarni qo‘llab-quvvatlash masalalari muhokama qilindi
2026-05-23 17:00:00 / Yangiliklar
Bandixon tumani hokimligida tuman hokimi Abumalik Allamuradov boshchiligida tumanda xotin-qizlarni ijtimoiy-iqtisodiy qo‘llab-quvvatlash bo‘yicha tuman komissiyasining kengaytirilgan yig‘ilishi bo‘lib o‘tdi.
Yig‘ilish davomida xotin-qizlarning bandligini ta’minlash, ularni tadbirkorlikka keng jalb etish, kasb-hunarga o‘qitish, oilaviy daromadni oshirish hamda ehtiyojmand ayollarni har tomonlama qo‘llab-quvvatlash masalalari atroflicha muhokama qilindi.
Shuningdek, O'zbekiston Respublikasi Vazirlar Mahkamasining 2026-yil 12-maydagi "O'zbekiston Respublikasi Hukumatining ayrim qarorlariga o'zgartirish va qo'shimchalar kiritish, shuningdek ba'zilarini o'z kuchini yo'qotgan deb hisoblash to'g'risida" 239-sonli qarori ijrosini ta'minlash hamda mahallalarda olib borilayotgan ishlar tahlil qilinib, “Ayollar daftari” orqali murojaat qilgan fuqarolarning muammolarini o‘z vaqtida hal etish, ijtimoiy himoyaga muhtoj xotin-qizlarga amaliy yordam ko‘rsatish bo‘yicha mutasaddilarga tegishli vazifalar belgilab berildi.
Ta’kidlanganidek, xotin-qizlarning jamiyatdagi o‘rni va faolligini oshirish, ularning huquq va manfaatlarini himoya qilish hamda munosib turmush sharoitini yaratish Bandixon tumanida ustuvor yo‘nalishlardan biri bo‘lib qolmoqda.
Bandixon tumanida xotin-qizlarni qo‘llab-quvvatlash, ularning hayotda o‘z o‘rnini topishi va farovonligini ta’minlash borasidagi ishlar izchil davom ettiriladi.