Bandixonda mahallalar va qabristonlarda obodonlashtirish ishlari izchil davom etmoqda
2026-05-16 09:20:00 / Yangiliklar
Bugungi kunda yurtimizda inson qadri, mahallalar obodligi va muqaddas maskanlarga ehtirom ko‘rsatish ustuvor vazifalardan biriga aylangan. Surxondaryo viloyatida ham aholi uchun yanada fayzli, ozoda va obod muhit yaratish maqsadida keng ko‘lamli bunyodkorlik hamda hashar ishlari davom etmoqda.
Xususan, Bandixon tumanidagi mahallalar va qabristonlarda yoshlar, nuroniylar hamda faol fuqarolar tomonidan obodonlashtirish ishlari uyushqoqlik bilan olib borilmoqda.
Tumanning Navro‘z mahallasida joylashgan “Oqmozor ota” qabristonida tashkil etilgan hashar davomida hududlar chiqindilardan tozalanib, daraxt va gul ko‘chatlari parvarish qilinmoqda. Yo‘laklar tartibga keltirilib, qabr atroflari ozoda holga keltirilmoqda. Bu kabi ezgu tashabbuslar mahalla ahli hamjihatligini, kattalarga hurmat va qadriyatlarga sadoqatni yanada mustahkamlamoqda.
Ayniqsa, yoshlarning ana shunday xayrli ishlarda faol ishtirok etayotgani kelajak avlodning milliy qadriyatlarimizga hurmat ruhida tarbiyalanayotganidan dalolat beradi. Nuroniylarning duosi, mahalla faollarining tashabbusi va fuqarolarning birdamligi bilan amalga oshirilayotgan har bir obodonlashtirish ishlari yurtimiz fayziga fayz qo‘shmoqda.
Muqaddas maskanlarni asrab-avaylash, atrof-muhitni toza saqlash va yashillikni ko‘paytirish esa har birimizning fuqarolik burchimizdir.
Aziz tumanimiz ahli, keling, mahallamiz, ko‘chamiz va ziyoratgohlarimiz obodligi uchun barchamiz birgalikda hissa qo‘shaylik!