Bandixonda ta’limga e’tibor, xorijiy tillarni o‘rganishga esa alohida rag‘bat!
2026-04-09 09:00:00 / Yangiliklar
Bandixon tumanida O‘zbekiston Respublikasi Prezidenti sovrini uchun o‘tkazilgan “Xorijiy tillarni o‘qitish bo‘yicha eng yaxshi maktab” tanlovi g‘oliblarini taqdirlash marosimi bo‘lib o‘tdi.
Ushbu tanlov nafaqat maktablar o‘rtasida sog‘lom raqobatni kuchaytiradi, balki o‘quvchilarning xorijiy tillarga bo‘lgan qiziqishi, ustozlarning esa fidoyiligini yanada oshiradi. Bugungi kunda chet tillarini bilish — yoshlar uchun keng imkoniyatlar eshigini ochadigan muhim omillardan biri.
Tantanali tadbirda tuman hokimi Abdumalik Allamuradov g‘oliblarni samimiy tabriklab, ularning yutuqlari ortida katta mehnat, izlanish va ustozlar sabri borligini alohida ta’kidladi.
G‘oliblarga kitoblar jamlanmasi hamda pul mukofoti sertifikatlari tantanali ravishda topshirildi. Bu e’tibor va rag‘bat, albatta, yoshlarning ilm olishga bo‘lgan intilishini yanada mustahkamlaydi.
Bandixonda ta’limga yaratilayotgan sharoitlar, yoshlarni qo‘llab-quvvatlashga qaratilgan bunday tashabbuslar kelajakda yanada katta natijalar berishiga ishonamiz.
Ilmga intilgan, til o‘rganishga bel bog‘lagan yoshlarimiz — ertangi kunimiz faxri!
Ma'lumot uchun:
I o'rin 1-sonli umumta'lim maktabi 100 million so'm
II o'rin 43-sonli umumta'lim maktabi 75 million so'm
III o'rin 2-sonli umumta'lim maktabi 50 million so'm bilan taqdirlandi.