Bandixonda “Yangi O‘zbekiston olimpiya cho‘qqilari” musobaqasining tuman bosqichi musobaqalari o'tkazilmoqda
2026-03-26 09:00:00 / Yangiliklar
Bandixon tumanida yoshlar o‘rtasida sog‘lom turmush tarzini keng targ‘ib etish, ularning sportga bo‘lgan qiziqishini oshirish hamda iqtidorli sportchilarni kashf etish maqsadida “Prezident Olimpiadasi” musobaqasining 2026-yilgi mavsumi doirasida tuman bosqichi musobaqalari o'tkazilmoqda.
Mazkur sport tadbiri doirasida Bandixon tumani Sport maktabida musobaqaning ilk bosqichi – “Tuman hokimi olimpiadasi” bahslarining dzyudo sport turi g'oliblariga Yoshlar bilan ishlash Respublika komissiyasi a'zolari, tuman hokimi A.Allamuradov, tuman prokurori B.Toshpulatov, tuman IIB boshlig'i J.To'rayevlar tomonidan diiplom va medallar topshirildi.
Tadbir davomida so‘zga chiqqan tuman rahbari yoshlarni sportga keng jalb etish, ularning jismoniy va ma’naviy salohiyatini rivojlantirish, kelgusida yurtimiz sharafini xalqaro maydonlarda munosib himoya qiladigan sportchilarni tarbiyalashda bunday musobaqalarning o‘rni beqiyos ekanini ta’kidladi.
Ma’lumot uchun, mazkur musobaqalar 13–14 yoshli o‘g‘il-qizlar o‘rtasida 21 ta olimpiya sport turi bo‘yicha tashkil etilib, tuman bosqichi joriy yilning 7-apreliga qadar davom etadi. G‘olib va sovrindorlar keyingi bosqichda ishtirok etish huquqini qo‘lga kiritadi.
Bandixon tumani hokimligi
Axborot xizmati