Inson qadri va xalq manfaati yo‘lida: Bandixonda yana bir ko‘chaga asfalt yotqizilmoqda
2026-03-25 16:00:00 / Yangiliklar
Davlatimiz rahbari tomonidan Surxondaryo viloyatini har tomonlama rivojlantirish, hududlarda aholi turmush darajasini yaxshilash hamda infratuzilmani yanada mustahkamlash borasida berilayotgan alohida e’tibor o‘z samarasini bermoqda. Natijada viloyatning barcha hududlarida keng ko‘lamli bunyodkorlik ishlari izchil davom etmoqda.
Xususan, Bandixon tumanining Obikor mahallasi Porloq yo'l va Shabada ko‘chasining 1500 metr qismida tuman obodonlashtirish boshqarmasi tomonidan asfalt qoplamasini yotqizish ishlari boshlab yuborildi. Mazkur ishlar hudud aholisi uchun uzoq yillardan buyon muammo bo‘lib kelgan ichki yo‘llarning holatini yaxshilashga xizmat qilmoqda.
Ma’lumki, ayrim ichki yo‘llarning ta’mirga muhtojligi sabab yoz faslida chang, qish mavsumida esa loy bo‘lishi mahalla aholisiga qator noqulayliklar tug‘dirib kelayotgan edi. Bugungi kunda ushbu muammolarga bosqichma-bosqich barham berilayotgani esa fuqarolar tomonidan katta mamnuniyat bilan kutib olinmoqda.
Hududlarda amalga oshirilayotgan bunday obodonlashtirish va infratuzilma ishlari Bandixon tumanining ijtimoiy-iqtisodiy rivojlanishida muhim ahamiyat kasb etib, aholi uchun yanada qulay va munosib turmush sharoitlarini yaratishga xizmat qilmoqda.
⚡Eslatib o‘tamiz, mahallalarning ichki ko‘chalarini toshlash va asfaltlash ishlari tasdiqlangan reja asosida ketma-ketlikda davom ettiriladi.