Bandixon tumanida Mahallani qo‘llab-quvvatlash kengashi yig‘ilishi o‘tkazildi
2026-03-11 17:00:00 / Yangiliklar
ugun Bandixon tumanida mahalla tizimi faoliyatini yanada takomillashtirish, aholi muammolarini manzilli hal etish hamda hududlarda ijtimoiy barqarorlikni ta’minlash masalalariga bag‘ishlangan "Mahallani qo'llab-quvvatlash Kengashi"ning navbatdagi yig‘ilishi bo‘lib o‘tdi.
Bandixon tumani hokimi, mahallani qo‘llab-quvvatlash Kengashi raisi Abdumalik Allamuradov rahbarligida o‘tkazilgan yig‘ilishda tegishli tashkilot va idoralar rahbarlari, kengash a’zolari hamda mahalla yettiligi ishtirok etdi.
Yig‘ilish kun tartibida “Mahalla yettiligi” faoliyatini samarali tashkil etish, mahallalarda mavjud muammolarni tizimli hal etish, aholini bandlikka jalb qilish, kambag‘allikni qisqartirish, jinoyatchilikning oldini olish, oilaviy ajrimlarni kamaytirish hamda noqonuniy migratsiya holatlariga barham berish masalalari muhokama qilindi.
Tanqidiy ruhda o‘tgan yig‘ilishda mahalla yettiligi rahbarlarining hisobotlari tinglandi. Shuningdek, mahalla tizimida amalga oshirilayotgan ishlar samaradorligi tahlil qilinib, mavjud kamchilik va muammolar atroflicha ko‘rib chiqildi.
Ayniqsa, ishsizlik, kambag‘allik, jinoyatchilik, oilaviy ajrim va migratsiya ko‘rsatkichlari yuqori bo‘lgan ayrim mahallalarda olib borilayotgan ishlar keskin tanqid qilindi hamda mas’ullarga faoliyatini tubdan takomillashtirish yuzasidan aniq topshiriqlar berildi hamda 2026-yil yakuniga qadar amalga oshirilishi lozim bo‘lgan ustuvor vazifalar belgilab olindi.
Yig‘ilish yakunida mas’ullarga mahallalarda tizimli ishlarni kuchaytirish, aholi bilan doimiy muloqotni yo‘lga qo‘yish hamda belgilangan vazifalar ijrosini qat’iy nazoratga olish bo‘yicha topshiriqlar berildi.
Bandixon tumani hokimligi
Axborot xizmati