Inson qadri — ustuvor: Bandixonda ijtimoiy xizmatlar yangi bosqichga chiqmoqda
2026-03-17 14:00:00 / Rahbariyatning bayonotlari va nutqlari
Bandixon tumanida inson qadrini ulug‘lash, aholi muammolarini joyida hal etish hamda ijtimoiy himoyaga muhtoj fuqarolarga ko‘rsatilayotgan xizmatlar sifatini yanada oshirish borasida izchil ishlar olib borilmoqda.
Xususan, bugun Bandixon tumani Inson ijtimoiy xizmatlar markazi tomonidan mahallalarga biriktirilgan ijtimoiy xodimlarga 21 dona zamonaviy komputer jihozlari topshirildi. Mazkur tashabbus ijtimoiy soha xodimlarining moddiy-texnik bazasini mustahkamlash, ularning faoliyatini raqamlashtirish hamda xizmat ko‘rsatish jarayonlarini yanada samarali tashkil etishga xizmat qiladi.
Bu kabi amaliy chora-tadbirlar, eng avvalo, inson manfaatlarini ta’minlash, har bir fuqaroning dardiga quloq tutish va ularning hayot sifatini yaxshilashga qaratilgani bilan ahamiyatlidir. Zero, inson qadri — jamiyat taraqqiyotining eng muhim mezonidir.
Kelgusida ham ijtimoiy soha xodimlarini qo‘llab-quvvatlash, ularning ish faoliyati uchun zarur sharoitlarni yaratish hamda aholiga ko‘rsatilayotgan xizmatlar sifatini yanada yuksaltirish borasidagi ishlar izchil davom ettiriladi.
Bandixon tumani hokimligi
Axborot xizmati