Qonunchilik palatasi deputati Bandixon tumanida
2025-11-27 10:00:00 / Deputatlar Kengashi faoliyati
Qonunchilik palatasi deputati Radjabova Shoira Nurmatovna Bandixon tumaniga tashrif buyurib, tumandagi ijtimoiy-iqtisodiy rivojlanish, kuz-qish mavsumiga tayyorgarlik, xotin-qizlar masalalari hamda aholi bandligini ta’minlash yuzasidan joylarda o’rganish ishlari hamda uchrashuvlar o’tkazdi.
Bunda tumanda kuz-qish mavsumida aholini, ijtimoiy soha obyektlarini, ayniqsa, tibbiyot va ta’lim muassasalarini energiya resurslari (elektr energiyasi, ko‘mir, tabiiy va suyultirilgan gaz) bilan uzluksiz ta’minlash bo‘yicha belgilangan vazifalar hamda bu borada ko‘rilayotgan chora-tadbirlar bilan tanishildi.
Shundan so’ng, Bandixon tuman politexnikumida xotin-qizlarga nisbatan zo‘rovonlikka barxam berish xalqaro kuni munosobati bilan 2025-yil 25-noyabrdan - 10-dekabrga qadar "Xotin-qizlarga nisbatan zo‘rovonlikka barxam berish uchun birlashaylik" mavzusidagi kompaniyani tashkil qilish va uni yuqori saviyada o‘tkazish to‘g‘risida davra suhbati o‘tkazildi.
Shuningdek, tuman Sport maktabidagi to’garaklar faoliyati hamda aholini sportga jalb qilib, sog’lomlashtirish borasida amalga oshirilayotgan ishlar holati o’rganildi.
Tashrif yakunida tumanning Qaldirg‘och mahallasida kambag‘allikni qisqartirish hamda aholi bandligini ta’minlash borasidagi ishlar ahvoli o’rganildi. Aholi xonadonlaridagi daromad keltiruvchi loyihalar ko’zdan kechirildi.
Mahalla yettiligiga davlatimiz rahbari raisligida joriy yilning 19-noyabr kuni “Kambag‘allikni qisqartirish hamda aholi bandligini ta’minlash borasidagi ishlar sarhisobi va kelgusi yil uchun ustuvor vazifalar” yuzasidan o‘tkazilgan videoselektor yig‘ilishi belgilab berilgan ustuvor vazifalarning mohiyati va ahamiyati tushuntirish berildi.
Bandixon tumani hokimligi
Axborot xizmati