Toşkent viloyati Angren şahar hokimligi

Angrenda ko‘p qavatli uy-joylar qurilishi bo‘yicha tadbirkorlar bilan muloqot o‘tkazildi

Angren shahrida zamonaviy, yangi ko‘p qavatli turar joy majmualarini barpo etish ishlari izchil davom etmoqda.

Bugun shahar hokimi Alisher Rayimov tadbirkorlar bilan uchrashuv o‘tkazdi. Yuzma-yuz muloqotlar davomida shaharda amalga oshirilayotgan qurilish ishlari, jumladan, auksion orqali olingan yer maydonlarida ko‘p qavatli turar joylarni barpo etish masalalari atroflicha muhokama qilindi.

Shuningdek, yangi loyihalarda aholi uchun qulay va zamonaviy shart-sharoitlarni yaratish, qurilish hajmini oshirish, ishlarni sifatli hamda belgilangan muddatlarda amalga oshirish masalalariga alohida e’tibor qaratildi.

Muloqot davomida tadbirkorlar tomonidan amalga oshirilayotgan qurilish obyektlari, ularning joriy holati hamda kelgusidagi rejalar bo‘yicha ma’lumotlar berildi.

Uchrashuv yakunida qurilish sohasidagi ishlarni jadallashtirish, mavjud muammolarni tezkor bartaraf etish hamda aholi uchun zamonaviy va sifatli turar joylarni ko‘paytirish bo‘yicha tegishli vazifalar belgilab olindi.

Yuzma-yuz muloqotlarda shahar hokimi o‘rinbosari Sardor Mirzamiddinov ishtirok etdi.

Angren shahar hokimligi Axborot xizmati

📲 Bizni kuzatib boring:👇
🌐Sayt I 💬Telegram I Facebook 📱I YouTube| 📱