🇺🇿 Angren shahrida “Yoshlar kuni” munosabati bilan “Rahbar va yoshlar uchrashuvi” o‘tkazildi

“Yoshlar kuni” munosabati bilan tashkil etilgan “Rahbar va yoshlar uchrashuvi”da Angren shahri yoshlari hamda shahar rahbarlari ishtirok etdilar.

Uchrashuvda shahar hokimi Alisher Rayimov, shahar prokurori Allayor Xayriddinov hamda shahar IIB boshlig‘i Azimjon Mirxodjayev yoshlar bilan ochiq va samimiy muloqot olib borib, ularning taklif va tashabbuslarini tingladilar.

Tadbir davomida yoshlar tomonidan amalga oshirilayotgan loyihalar taqdimoti o‘tkazildi.

Loyihalar muhokamasidan so‘ng jamoatchilik ishlarida faol ishtirok etib kelayotgan Angren shaharining eng faol volontyor yoshlari shahar hokimi tomonidan tashakkurnoma va esdalik sovg‘alari bilan taqdirlandilar.

Mazkur uchrashuv yoshlarning tashabbuslarini qo‘llab-quvvatlash, ularning jamiyat hayotidagi faolligini oshirish va davlat organlari bilan ochiq muloqotni mustahkamlashga xizmat qildi. 🇺🇿

"Rahbar va yoshlar uchrashuvi" da shahar IIB Probatsiya hisobida bo‘lgan yoshlar ham jalb etildi

Angren shahar hokimligi Axborot xizmati