“Istiqlol” va “Bobotog‘” mahallalarida huquqbuzarliklar profilaktikasi ishlari tanqidiy muhokama qilindi
2026-06-16 16:00:00 / Yangiliklar
“Istiqlol” va “Bobotog‘” mahallalarida huquqbuzarliklar profilaktikasi ishlari tanqidiy muhokama qilindi
Angren shahri prokurori Allayor Xayriddinov hamda tegishli mutasaddi rahbarlar ishtirokida O‘zbekiston Respublikasi Prezidentining 2026 yil 5 yanvardagi PQ-1 va PQ-2-sonli qarorlari ijrosi yuzasidan “Istiqlol” va “Bobotog‘” mahallalarida amalga oshirilayotgan ishlar tanqidiy muhokama qilindi.
Muhokama davomida mahallalarda xavfsiz muhitni ta’minlash, huquqbuzarliklar profilaktikasini kuchaytirish, aholi muammolarini “manzilli ishlash” tamoyili asosida hal etish borasidagi ishlar tahlil qilindi.
Shuningdek, sohaga oid hisobotlarning haqqoniyligi, joriy yilning ikkinchi choragi uchun tasdiqlangan “Yo‘l xarita”lari ijrosi holati yuzasidan mas’ullarning hisobotlari tinglandi.
Yig‘ilish yakunida mahalla yettiligiga huquqbuzarliklar profilaktikasi samaradorligini oshirish, muammoli oilalar va xavf guruhiga kiruvchi shaxslar bilan ishlashni yanada kuchaytirish bo‘yicha aniq topshiriq va ko‘rsatmalar berildi.
Angren shahar hokimligi Axborot xizmati