Toshkent viloyati Angren shahar hokimligi

#hamkorlik

Angren shahar hokimi Alisher Rayimov, hokim o‘rinbosari Jasur Zayniddinovlar ayni kunlarda Xitoy Xalq Respublikasida xizmat safarida bo‘lib turibdi.

Safar davomida asosan Xitoyning sanoat ishlab chiqarish sohasida erishilayotgan yutuqlari, zamonaviy yondashuvlar hamda ilg‘or agrotexnologiyalar bilan yaqindan tanishish imkoniga ega bo‘lmoqdalar.
 

Safar davomida qator muhim yo‘nalishlar o‘rganilmoqda. Xususan, delegatsiya a’zolari Xitoyning yirik sanoat hududlaridan biri bo‘lgan provinsiyalar va shaharlarda bo‘lib, mezbon mamlakatning sanoat tarmog‘ida faoliyat yuritayotgan korxona va tashkilotlari, yirik kompaniyalar, ilmiy tajriba maydonlari hamda ishlab chiqarish korxonalari faoliyati bilan yaqindan tanishmoqda.

Ayniqsa, sanoat sohasida ishlab chiqarish samaradorligini oshirishga xizmat qilayotgan innovasion texnologiyalar, texnika va mexanizmlardan tejamkor foydalanish usullari hamda iqtisodiy infratuzilmani samarali tashkil etish bo‘yicha ilg‘or tajribalar diqqat markazida bo‘lmoqda.

Shuningdek, korxonalarda mahsulot ishlab chiqarish jarayonlari, zamonaviy boshqaruv usullari va eksportbop mahsulotlar tayyorlash tajribalari ham o‘rganilmoqda.

Mazkur xizmat safari kelgusida Angren shahrida sanoat va investisiya sohalarida yangi loyihalarni amalga oshirish, xalqaro hamkorlikni mustahkamlash hamda zamonaviy texnologiyalarni joriy etishda muhim ahamiyat kasb etishi kutilmoqda.