Toshkent viloyati Angren shahar hokimligi

Angren — ulkan bunyodkorlik maydoniga aylangan, imkoniyatlari keng qamrovli shahar.

Chinakamiga ham jonajon shahrimiz keyingi yillarda amalga oshirilayotgan qurilish va obodonlashtirish ishlari tufayli utlaqo yangicha qiyofa kab etmoqda.

Bugungi Angrenning ko‘rkini ikki-uch yil avvalgi holati bilan qiyoslab bo‘lmaydi. Yurtimizda amalga oshirilayotgan islohotlar samarasi shahar hayotida ham yaqqol namoyon bo‘layotir. Mazkur imkoniyatlardan to‘g‘ri va oqilona foydalanish natijasida shaharda keng ko‘lamli o‘zgarishlar kuzatilmoqda.

Xususan, “Taraqqiyot” mahallasidagi “Bunyodkor” ko‘chasida joylashgan 4-sonli texnikum binosida olib borilayotgan kapital ta’mirlash va rekonstruksiya ishlari buning yorqin namunasidir. Mamlakatimizda o‘rta maxsus va kasb-hunar ta’limi tizimini takomillashtirish, ayniqsa, dual ta’limni rivojlantirishga alohida e’tibor qaratilmoqda.Rossiya Federatsiyasining Tatarston Respublikasi tomonidan beg‘araz jalb etilgan xorijiy investisiya evaziga kapital ta’mirlash ishlari davom etayapti. Qurilishning birinchi bosqichi yakuniga yetdi.

Sanoati tobora taraqqiy etayotgan Angren shahrida yoshlarga zamonaviy va qulay sharoitlarda ta’lim berish, ularni kasbga yo‘naltirish hamda ilg‘or texnologiyalarni joriy etish maqsadida mazkur texnikumda manzilli dasturlar va istiqbolli loyihalar asosida kapital ta’mirlash ishlari amalga oshirilmoqda.

Bugungi kunda ta’lim muassasasining ikki qavatli amaliyot bo‘limi zamon talablari asosida to‘liq ta’mirlandi.

Ayni paytda texnikumning asosiy o‘quv va ma’muriy binosida qurilish-ta’mirlash ishlari jadal sur’atlarda davom etmoqda.

✍️ Angren shahar hokimligi Axborot xizmati