Toshkent viloyati Angren shahar hokimligi

Yurtimizda inson qadri ulug‘lanib, uning hayot yo‘li va jamiyat oldidagi xizmatlari doimo yuksak e’tirof etiladi.

Ikkinchi jahon urushi qatnashchisi Nikolay Pavlovich Prokoshin Angren shahri ahli tomonidan hamisha katta hurmat va e’zozga sazovor bo‘lib kelmoqda. Ayniqsa, yosh avlod — maktab o‘quvchilari va navqiron yigit-qizlar nuroniy otaxonning suronli janglarda ko‘rsatgan jasorati, Angren shahrining barpo etilishidagi fidokorona mehnati va ulkan hissasi haqida bilishga katta qiziqish bilan uning huzuriga oshiqadilar.

Angren shahar Mudofaa ishlari bo‘limi boshlig‘i Alisher Ganiyev hamda shahar hokimining o‘rinbosari Mavluda Abduraxmonova Davlatimiz rahbarining “Go‘zal” MFYda istiqomat qilayotgan Ikkinchi jahon urushi qatnashchisi, mehnat va urush faxriysi Nikolay Pavlovich Prokoshin nomiga yo‘llagan “9 may — Xotira va qadrlash kuni” munosabati bilan bayram tabrigini xonadoniga yetkazib, o‘qib eshittirdilar.