Payshanba — “Yoshlar kuni” munosabati bilan Jahon tillari universiteti Angren shahar filialida o‘tkazilgan “Rahbarlar va yoshlar uchrashuvi” doirasida ochiq muloqot tashkil etildi.
2026-05-07 14:30:00 / Yangiliklar
Payshanba — “Yoshlar kuni” munosabati bilan Jahon tillari universiteti Angren shahar filialida o‘tkazilgan “Rahbarlar va yoshlar uchrashuvi” doirasida ochiq muloqot tashkil etildi.
Samimiy ruhda o‘tgan muloqotlarda yoshlar kreativ g‘oyalar va tashabbuslar bilan faol ishtirok etdilar. Xususan, yoshlarning bo‘sh vaqtini mazmunli tashkil etishga qaratilgan qiziqarli loyihalar, “Zakovat” intellektual o‘yinini yanada kuchaytirish, “Kitobxonlik” tanlovini izchil davom ettirish hamda tadbirkorlik yo‘nalishidagi biznes-rejalarni amalga oshirish yuzasidan o‘zlarini qiziqtirgan savollar bilan murojaat qildilar.
Yoshlarning har bir murojaati e’tibor bilan tinglanib, taklif va tashabbuslari qayd etildi. Ayniqsa, tadbirkorlikni yo‘lga qo‘yish, imtiyozli kredit mablag‘laridan foydalanish va biznesni rivojlantirish imkoniyatlari haqida berilgan savollarga soha mutaxassislari tomonidan atroflicha javob qaytarildi.
Shuningdek, Xalq banki, Sanoat qurilish bank Angren shahar bo‘limlari boshqaruvchilari hamda Yoshlar ishlari agentligi shahar bo‘limi rahbari ishtirokida yoshlarga amaliy ko‘mak, kredit shartlari va mavjud imkoniyatlar xususida batafsil tushuntirishlar berildi.
Mazkur ochiq muloqot yoshlarning tashabbuslarini qo‘llab-quvvatlash, ularning bandligi va tadbirkorlik faolligini oshirishga qaratilgan muhim maydonga aylandi.