Farzandlar sog'lig'i uchun imkoniyat
2026-02-11 11:05:00 / Yangiliklar
JORIY YILNING FEVRAL OYI OXIRIGACHA MAMLAKAT BO‘YLAB DAVLAT MTT BOLALARI GRIPPGA QARSHI BEPUL EMLANADI
💉 520 000 doza grippga qarshi vaksinalar davlat tomonidan xarid qilinib, maktabgacha ta’lim tashkilotlari bolalarini emlash uchun hududlarga tarqatildi.
💉 Ushbu emlashni o‘tkazishdan asosiy maqsad:
✔️Bolalar, xususan maktabgacha yoshdagilar grippga nisbatan eng himoyasiz qatlam hisoblanadi. Ular jamoada ko‘p bo‘lgani sababli virus tez yuqadi.
✔️Fevral oyida emlash bolalarni pnevmoniya, bronxit, otit kabi og‘ir asoratlardan himoya qiladi, shuningdek, bog‘chalarda ommaviy kasallanishning oldini oladi.
✔️Gripp viruslari fevral–mart oylarida ham faol aylanishda bo‘ladi. Emlash qilinganidan so‘ng 10–14 kun ichida organizmda immunitet shakllanadi va bola mavsum oxirigacha himoyalangan bo‘ladi.
✔️Fevral oyida kasallik og‘ir kechish xavfi yuqori bo‘ladi. Emlash kasallanishni to‘liq oldini olmasa-da, uning yengil shaklda o‘tishiga va asoratlarning oldini olishga yordam beradi.
📝 Emlash jarayonida bolalar shifokor ko‘rigidan o‘tkaziladi hamda sog‘lom bolalar grippga qarshi emlanadi.
⚠️ Hurmatli ota-onalar!
Bolalaringizni o‘z vaqtida emlashni unutmang! Grippga qarshi vaksinalar xavfsiz va samarali.
🌱 Zero, emlash — sog‘lom kelajak garovidir.