Arizani (shikoyatni) ko‘rmasdan qoldirish

Arizani (shikoyatni) ko‘rmasdan qoldirish to‘g‘risida sud ajrim chiqaradi.
Sud ajrimida ishda ishtirok etuvchi shaxslar o‘rtasida sud xarajatlarini taqsimlash to‘g‘risidagi, davlat bojini byudjetdan qaytarish haqidagi masalalar hal qilinishi mumkin.
Ajrimning ko‘chirma nusxasi ishda ishtirok etuvchi shaxslarga yuboriladi.
Arizani (shikoyatni) ko‘rmasdan qoldirish to‘g‘risidagi ajrim ustidan shikoyat qilinishi (protest keltirilishi) mumkin.
Arizani (shikoyatni) ko‘rmasdan qoldirish uchun asos bo‘lib xizmat qilgan holatlar bartaraf etilganidan keyin arizachi sudga ariza (shikoyat) bilan umumiy tartibda yangidan murojaat qilishga haqli.