Xorijiy fuqarolar tomonidan ov qilish tartibi

O‘zbekiston Respublikasining Qizil kitobiga kiritilgan hayvonot dunyosi ob’ektlarining ayrim turlarini ovlash uchun O‘zbekiston Respublikasiga keladigan xorijiy fuqarolarga foydalanish huquqi qonun hujjatlarida belgilangan tartibda O‘zbekiston Respublikasi Vazirlar Mahkamasining qarori asosida beriladi.

Xorijiy fuqarolarga foydalanish huquqi ruxsatnomasini berish tartibi:

xorijiy fuqarolarning ov qilish va baliq ovlash uchun O‘zbekiston Respublikasiga kelishi, bu erda bo‘lishi va O‘zbekiston Respublikasidan ketishi qonun hujjatlarida belgilangan tartibda amalga oshiriladi;
ov qilish uchun buyurtmanoma, shuningdek hayvonot dunyosidan foydalanish uchun to‘lov to‘langanligi to‘g‘risidagi hujjat xorijiy fuqarolarga ruxsatnoma berish uchun asos hisoblanadi, xorijiy fuqaroning o‘zi yoki uning manfaatlarini ifodalovchi shaxs tomonidan jo‘natiladigan mazkur buyurtmanomada ovlanadigan hayvonlar turlari va ov qilish muddatlari ko‘rsatiladi;
ovlash uchun ov qurolidan foydalanuvchi xorijiy fuqaro qurollar va ularga o‘q-dorilarni respublikaga olib kirish uchun Ichki ishlar vazirligining ruxsatnomasini olishi zarur.

Xorijiy fuqarolarning ov qilishi Tabiatni muhofaza qilish davlat qo‘mitasi nazorati ostida amalga oshiriladi.
Hayvonot dunyosidan foydalanish uchun to‘lovlar bilan havolada tanishing.

Ovlash vaqtida yaralangan hayvonlar ovlangan hayvonlarga tenglashtiriladi.

Ovlangan hayvonlarni, ularning qismlarini, o‘ljalarini va shu kabilarni O‘zbekiston Respublikasidan olib chiqib ketishga ruxsatnoma hayvonot dunyosidan foydalanishga ruxsatnoma hamda tabiatni muhofaza qilish bo‘yicha vakolatli davlat inspektori va ovchi tomonidan imzolangan ovlangan hayvonlar to‘g‘risidagi dalolatnoma asosida beriladi.

Норматив ҳужжатлар

O‘zbekiston Respublikasi Vazirlar Mahkamasining qarori. 290-son. 20.10.2014-y.

ov qilish Xorijiy fuqaro