Telekommunikatsiya xizmatlarini ko‘rsatish shartnomasini tuzish va bekor qilish

Telekommunikatsiya xizmatlari operator (provayder, eshittiruvchi) va abonent o‘rtasida qonunchilik hujjatlariga muvofiq yozma yoki elektron shaklda tuziladigan shartnomaga asosan taqdim etiladi.

Telekommunikatsiya xizmatlariga ulanish uchun ariza:

muomala layoqatiga ega bo‘lgan jismoniy shaxs tomonidan;
qonunchilik hujjatlarida belgilangan tartibda davlat ro‘yxatidan o‘tkazilgan yuridik shaxs, shuningdek, uning filiali yoki vakolatxonasi tomonidan berilishi mumkin.

Shartnomani tuzish quyidagi hollarda rad etilishi mumkin:

murojaatchi voyaga etmagan jismoniy shaxs bo‘lganda, bundan14 yoshdan 18 yoshgacha bo‘lgan voyaga etmaganlarning o‘z ota-onalari, farzandlikka oluvchilari yoki homiylarining yozma roziligi bo‘lgan hollar mustasno;
telekommunikatsiya xizmatlaridan foydalanish ko‘zlanayotgan manzil operator (provayder, eshittiruvchi) xizmat ko‘rsatish zonasiga kirmaganda;
murojaatchi tomonidan ma’lumotlar to‘liq taqdim etilmaganda;
taqdim qilingan ma’lumotlarning soxtaligi yoki noto‘g‘riligi aniqlanganda.

"O‘zbektelekom" AKning faoliyati bilan tanishish uchun havolaga o‘ting.

Норматив ҳужжатлар

O‘zbekiston Respublikasi Axborot texnologiyalari va kommunikatsiyalarini rivojlantirish vazirining buyrug‘i (3275-son 30.06.2020y).

abonent raqami ATS shartnoma