“Ayollar daftari”ga kiritilgan xotin-qizlarning uy-joyini ta’mirlash
Sektorlar ishchi guruhlari tomonidan tegishli mutaxassislar jalb qilingan holda, kambag‘al oila a’zosi bo‘lgan xotin-qizlarning hamda oylik daromadi oila a’zolarining har biriga minimal iste’mol xarajatlari miqdorining 2 baravarigacha bo‘lgan oilalarning, xotin-qizlarning uy-joyi holati o‘rganiladi va nuqson dalolatnomasi hamda ta’mirlash yoki qurilish materiallarini olib berish bo‘yicha smeta ishlab chiqilib, «Ayollar daftari» jamg‘armasi Vasiylik kengashiga kiritiladi.
Har bir uy-joyni ta’mirlash uchun zarur bo‘lgan qurilish materiallarini xarid qilish uchun tegishli tovarlarni (xizmatlar va ishlar)ni etkazib beruvchilarga shartnomaga muvofiq «Ayollar daftari» jamg‘armasi hisobidan bazaviy hisoblash miqdorining 50 baravarigacha miqdorda mablag‘ o‘tkazib beriladi.
Sektorlar rahbarlari tumanlar (shaharlar) qurilish bo‘limlari bilan birgalikda mablag‘ ajratilgan vaqtdan boshlab ta’mirlash ishlari sifatli bajarilishini tashkil etadi va nazorat qiladi.