1-avgustdan yo‘l harakati qoidalarini buzganlik uchun jarimalar miqdori qanday o‘zgaradi - ro‘yxat

O‘zbekistonda 1-avgustdan boshlab soliqlar, yig‘imlar, bojlar, jarimalar va davlat xizmatlari uchun to‘lovlar miqdorini aniqlashda qo‘llaniladigan BHM qariyb 10 foizga - 375 ming so‘mdan 412 ming so‘mga oshiriladi.

---

Shu sababli, yo‘l harakati qoidalarini buzganlik uchun jarimalarning quyidagi miqdorlari belgilanadi:

♦ xavfsizlik kamarini taqmaganlik uchun jarima - 206 ming so‘m (hozirda 187,5 ming so‘m);

♦ dori qutisi, nimcha, o‘t o‘chirgich, avariya to‘xtash belgisi va texnik ko‘rikdan o‘tmaganlik uchun jarima - 206 ming so‘m (hozir 187,5 ming so‘m);

♦ yo‘l belgilari talablariga rioya qilmaslik, piyodalar yo‘lakchasida harakatlanish uchun jarima - 206 ming so‘m (hozir 187,5 ming so‘m);

♦ Hujjatsiz yurganlik uchun jarima - 412 ming so‘m (hozir 375 ming so‘m);

♦ sug‘urtasiz yurganlik uchun jarima - 412 ming so‘m (hozir 375 ming so‘m);

♦ qizil chiroqda yurganlik uchun jarima - 1 mln  236 ming so‘m (hozir 1 mln 125 ming so‘m);

♦ belgilanmagan joyda to‘xtash uchun jarima - 824 ming so‘m (hozir 750 ming so‘m);

♦ rulda telefondan foydalanganlik va gaplashganlik uchun jarima - 1 mln 236 ming so‘m (hozirda 1 mln 125 ming so‘m);

♦ raqamsiz yurganlik uchun jarima - 2 mln 60 ming so‘m (hozir 1 mln 875 ming so‘m);

♦ 20 km/soatgacha tezlikni oshirganlik uchun jarima - 412 ming so‘m (hozir 375 ming so‘m);

♦ tezlikni soatiga 20 kilometrdan 40 kilometrgacha oshirganlik uchun jarima - 2 mln 60 ming so‘m (hozir 1 mln 875 ming so‘m);

♦ tezlikni soatiga 40 kilometrdan oshirganlik uchun jarima - 3 mln 708 ming so‘m (hozirda 3 mln 375 ming so‘m);

♦ qarama-qarshi harakatlanish bo‘lagiga chiqish uchun jarima - 4 mln 120 ming so‘m (hozir 3 mln 750 ming so‘m);

♦ mastlik holatida tibbiy ko‘rikdan o‘tishdan bosh tortganlik uchun jarima - 6 mln 180 ming so‘m va 3 yilgacha huquqdan mahrum qilish (hozirda 5 mln 625 ming so‘m);

♦ mast holda transport vositasini boshqarish uchun jarima - 10 mln 300 ming so‘m va 3 yilgacha huquqdan mahrum qilish (hozirda 9 mln 375 ming so‘m).