Chipta sotishni tashkillashtirish
Chipta sotish:
- chipta sotish avtomatlashtirilgan tizim yordamida amalga oshiriladi;
- chiptani rasmiylashtirish shaxsni tasdiqlovchi hujjat asosida amalga oshiriladi;
- chiptalar naqd pulga, plastik kartochkaga yoki boshqa to‘lov turlari orqali sotiladi;
- chiptalarga buyurtmalar aloqa vositalari orqali yoki shaxsan hozir bo‘lganda qabul qilinadi;
- chiptalar buyurtma tushgan vaqtdan boshlab 1 sutka mobaynida buyurtmachiga qo‘shimcha haq evaziga etkazilishi mumkin.
Chiptaning old qismida ko‘rsatiladigan ma’lumotlar
- yo‘lovchining familiyasi;
- shaxsni tasdiqlovchi hujjat tartib raqami va seriyasi;
- poezd, vagon va joy tartib raqami;
- poezdning jo‘nash sanasi va vaqti.
Chipta sotish tartibi buzilishi natijasida yo‘lovchiga joy taqdim qilish
- chipta noto‘g‘ri rasmiylashtirilsa;
- vagonda bo‘sh joylar bo‘lmasa-da, chipta berilgan bo‘lsa;
- bitta joyga 2 va undan ortiq shaxsga chipta sotilganligi aniqlansa.
Chiptaning qiymatini yo‘lovchiga qaytarish
- chiptada ko‘rsatilgan poezd bekor qilinganda;
- yo‘lovchilarning harakat yo‘nalish punktidan jo‘nashi 1 soatdan ortiqqa kechikkanda;
- yo‘lovchilarga chiptada ko‘rsatilgan joylar taqdim qilinmaganda va boshqa joylardan foydalanish rad etilganda;
- yo‘lovchi kasal bo‘lganda.
Abonement chiptasini olish va undan foydalanish
- abonement chiptalari ularda ko‘rsatilgan yo‘nalishlar bo‘yicha barcha shaharlararo qatnovchi poezdlarda yurish huquqini beradi.
- abonement chiptalari amal qilish muddatidan 30 sutkadan ko‘p bo‘lmagan muhlatda oldindan sotilishi mumkin.
Abonement chiptasi uchun:
- oylik – 50-marta poezdda yurish qiymati;
- mavsumiy – tegishli ravishda 200-marta poezdda yurish qiymati;
- yarim yillik – 300-marta poezdda yurish qiymati;
- yillik – 600-marta poezdda yurish qiymati doirasida to‘lanadi.
Vokzallarda quyidagi shaxslar uchun maxsus kassalar ajratiladi:
- bolali yo‘lovchi;
- harbiy xizmatchi;
- nogironligi bor shaxs, urush qatnashchilari va ularga tenglashtirilgan shaxslar;
- yo‘llanma bo‘yicha ketayotgan yo‘lovchi (yoz mavsumida);
- ta’til davrida temir yo‘lchilar va talabalar uchun.
Tashuvchi yo‘lovchilarni quyidagi ma’lumotlar bilan ta’minlashi kerak:
- ish va xizmatlar ro‘yxati, ularning qiymati;
- poezdlarning jo‘nash va kelish vaqtlari;
- chiptalarni sotish muddatlari;
- poezdlarda tashish taqiqlangan buyumlar ro‘yxati;
- qo‘l yukini tarozida bepul tortish joylarining joylashishi;
- dam olish xonalari, ona va bola xonalarida joy berish;
- imtiyoz va afzallik beriladigan fuqarolar toifalari ro‘yxati;
- majburiy va ixtiyoriy sug‘urtalash tartibi;
- chipta narxiga kirmaydigan qo‘shimcha ishlar va xizmatlar ro‘yxati;
- da’volarni qabul qiluvchi shaxsning nomi va manzili.
Ma’lumotlar stantsiyalar va vokzallarda, poezdlarda davlat tilida taqdim qilishi kerak.
Mahalliy aholi manfaatlaridan kelib chiqib, ma’lumot boshqa tillarda ham taqdim qilinishi mumkin.