Havo transporti xizmati
Tashish shartnomasiga binoan, tashuvchi – yo‘lovchi va uning bagajini belgilangan manzilga eltib qo‘yish majburiyatini oladi.
Yo‘lovchi esa tarif bo‘yicha parvoz uchun, me’yordan ortiqcha bagaj uchun haq to‘lash majburiyatini oladi.
Yo‘lovchining asosiy huquqlari
- havo transportidan foydalanish;
- belgilangan miqdor doirasida qo‘l bagaj olib yurish;
- tashish uchun bagaj topshirish.
Tashish shartnomasi o‘zgarganda, tashuvchining majburiyatlari
- yo‘lovchini manziliga o‘zining boshqa havo kemasida etkazish;
- yo‘lovchini bron chipta bilan ta’minlash;
- yo‘lovchi to‘lagan xizmat ko‘rsatish toifasining o‘zgarishiga yo‘l qo‘ymaslik;
- tashish bajarilmaganligi uchun yig‘im undirmasdan pulni qaytarish.
Xizmat ko‘rsatish toifasini o‘zgartirish
- chipta pastroq toifaga almashtirilganda, yo‘lovchiga tariflar va yig‘imlar farqi qaytariladi;
- chipta yuqori toifaga almashtirilsa va tashish narxi oshsa, qo‘shimcha yig‘im undirilmaydi.
Tashuvchi tomonidan tashish shartnomasini bekor qilish holatlari
- yo‘lovchi parvoz boshlanadigan, tugaydigan va tranzit mamlakatning talablarini buzsa;
- yo‘lovchining sog‘lig‘i unga havo transportida bo‘lish imkonini bermasa;
- yo‘lovchi havo kemasi ichidagi yurish-turish qoidalarini buzsa;
- havo transportida tashish talablarini bajarish yo‘lovchi tomonidan rad etilsa.
Yo‘lovchiga zarar etkazilganda tashuvchi tomonidan ko‘rsatiladigan bepul qo‘shimcha xizmatlar
- bir marta telefon orqali gaplashish yoki telegramma yuborish;
- oziq-ovqat va ichimlik suvi bilan ta’minlash;
- mehmonxona bilan ta’minlash;
- aeroportdan vaqtinchalik yashash joyigacha transportda eltib qo‘yish va qaytishni ta’minlash;
- tutash reyslarga kechikish bilan bog‘liq xarajatlarni to‘lash.
Yo‘lovchiga kompensatsiya to‘lanmaydigan holatlar
- yo‘lovchi boshqa reysda uchishdan bosh tortsa;
- yo‘lovchi tashuvchining chipta olish va ro‘yxatdan o‘tish talablariga rioya qilmasa;
- yo‘lovchi parvozdan chetlatilganda;
- yo‘lovchi ro‘yxatdan o‘tib, uchib ketish joyiga kelmasa;
- tashuv bepul amalga oshirilayotgan bo‘lsa.
Yo‘lovchi bilan rasmiyatchilik ishlari uchun ajratilgan vaqt
- uchib ketishda xalqaro qatnovlarda 60 daqiqadan, mahalliy qatnovlar - 20 daqiqadan oshmasligi kerak;
- uchib kelishda xalqaro qatnovlarda 45 daqiqadan, mahalliy qatnovlar - 20 daqiqadan oshmasligi kerak.
Ayrim buyumlardan foydalanishga qo‘yiladigan cheklovlar
- tashuvchi uyali telefon, ixcham kompьyuter, magnitofon, radio, “SD” eshitish jihozi va shu kabilardan foydalanishni cheklashi yoki taqiqlashi mumkin;
- eshitish apparatlari va yurak urishini elektr muntazamlovchi yordamchi apparatlardan foydalanishni taqiqlash mumkin emas.