SENZURA

– bosmadan chiqarilgan mahsulotning mazmuni, uning chop etilishi va tarqatilishi ustidan, shuningdek, sahna asarlari, radio eshittirishlar va televizion ko‘rsatuvlar, ba’zida esa, shaxsiy yozishmalarning mazmuni hamda ijrosi ustidan rasmiy hokimiyat idoralarining nazorat olib borishi. Bundan maqsad – o‘sha hokimiyat idoralari tomonidan ziyon etkazuvchi yoki noma’qul deb hisoblangan g‘oyalar va ma’lumotlar (davlat va jamiyat manfaatlariga zid) tarqatilishini taqiqlash yoki cheklashdan iborat. Ko‘plab zamonaviy konstitutsiyalarda axborot erkinligi e’tirof etilib, tsenzura to‘g‘ridan-to‘g‘ri taqiqlanadi. O‘zbekiston Respublikasi Konstitutsiyasining 67-moddasiga ko‘ra O‘zbekistonda tsenzuraga yo‘l qo‘yilmaydi.