Oliy ta’lim muassasalariga o‘qishga kirish uchun hujjatlarni qabul qilish bo‘yicha davlat xizmatidan foydalanish
Bu qanday ishlaydi?
Abituriyentlar o‘zlarining doimiy yashash joyi yoki vaqtincha turgan joyi bo‘yicha ro‘yxatga olingan joyidan qat’i nazar, istalgan davlat xizmatlari markaziga (yagona darcha) davlat xizmatidan foydalanish uchun murojaat qilishi mumkin.
Abituriyentlar davlat xizmatlari markaziga murojaat etgan hududda (YaIDXP orqali murojaat etganda doimiy yashash joyi bo‘yicha ro‘yxatga olingan hududida) tashkil etiladigan test sinovlarida ishtirok etishlari mumkin.
Abituriyentlarga davlat xizmatlari har yili 15-iyundan 15-iyulgacha (shu kuni ham) ko‘rsatiladi.
O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasi tomonidan belgilanadigan davlat oliy ta’lim muassasalariga nisbatan tatbiq etiladi.
Abituriyent bir vaqtning o‘zida, o‘qitishning bir shakli doirasida uchtagacha oliy ta’lim muassasasini (bakalavriat ta’lim yo‘nalishlari) tanlashi mumkin.