Bolalikdan nogironligi bo‘lgan shaxslarga va 18 to‘lmagan OIV infektsiyasi yoki orfan kasalligiga chalingan shaxslarga nafaqalar

Bolalikdan nogironligi bo‘lgan shaxslarga va 18 yoshga to‘lmagan OIV infektsiyasi yoki orfan kasalligiga chalingan shaxslarga nafaqalar

Ushbu nafaqa turi quyidagi shaxslarga tayinlanadi:

bolalikdan I guruh nogironligi bo‘lgan shaxslar;
18 yoshdan katta bolalikdan II guruh nogironligi bo‘lgan shaxslar;
o‘n sakkiz yoshga to‘lmagan OIV infektsiyasiga va orfan kasalligiga chalinganlar
tegishli tibbiy xulosaga asosan 18 yoshgacha nogironligi bo‘lgan bolalar;

Nafaqa miqdori 698 000 so‘mni tashkil qiladi.

Nafaqa tayinlash to‘g‘risidagi ariza

Nafaqa tayinlash to‘g‘risidagi ariza:

OIV infektsiyasiga yoki orfan kasalligiga chalingan shaxs, 18 yoshdan katta bolalikdan nogironligi bo‘lgan shaxs tomonidan;
OIV infektsiyasiga yoki orfan kasalligiga chalingan shaxsning va muomalaga layoqatsiz deb e’tirof etilgan 18 yoshdan katta bolalikdan nogironligi bo‘lgan shaxsning ota-onasi, farzandlikka oluvchisi, vasiysi yoki homiysi tomonidan;
nogironligi bo‘lgan bolaning, shuningdek OIV infektsiyasiga yoki orfan kasalligiga chalingan 18 yoshga to‘lmagan bolaning ota-onasi, farzandlikka oluvchisi, oilaga tarbiyaga olgan (patronat) tutingan ota-onasi (keyingi o‘rinlarda — tutingan ota-ona), vasiysi yoki homiysi tomonidan davlat xizmatlari markazlari yoki YaIDXP orqali murojaat qiladi.

Nafaqa barcha zarur hujjatlar mavjud bo‘lgan taqdirda murojaat qilingan kundan boshlab tayinlanadi.

18 yoshdan katta bolalikdan nogironligi bo‘lgan shaxsga nafaqa nogironlikning butun davriga tayinlanadi.
Nogironligi bo‘lgan bolaga nafaqa tibbiy xulosa berilgan muddatga tayinlanadi.
OIV infektsiyasi yoki orfan kasalligiga chalingan shaxsga nafaqa u 18 yoshga to‘lgungacha bo‘lgan muddatga tayinlanadi.

Nafaqa tayinlashni rad etish to‘g‘risidagi qaror sudga shikoyat qilish mumkin.

Nafaqa to‘lash quyidagi hollarda to‘xtatiladi:

davlat pensiyasi turlaridan biri tayinlanganda;
nafaqa oluvchi doimiy yashash uchun O‘zbekistondan chiqib ketganda;
nafaqa tayinlangan shaxslar to‘liq davlat ta’minotiga o‘tkazilganda;
ozodlikdan mahrum etishga hukm etilgan taqdirda.

Hayotiy misol

Savol: N. ismli shaxs voyaga etmagan o‘g‘li bolalikdan nogironlik nafaqasi olib kelayotganligi, yaqinda esa unga nisbatan boquvchisini yo‘qotganlik pensiyasi tayinlanganligi, shunday holatda o‘g‘li nogironlik nafaqasi yoki boquvchisini yo‘qotganlik pensiyasidan birini olish huquqini yo‘qotishi yoki yo‘qotmasligi haqida tushuntirish berishni so‘radi.

Javob: Nogironligi bo‘lgan bolaga, shuningdek, OIV infektsiyasiga chalingan 18 yoshga to‘lmagan bolaga tayinlangan nafaqa unga boshqa pensiyalar va nafaqalar, shu jumladan, boquvchisini yo‘qotganlik pensiyasi yoki nafaqasi olishidan qat’i nazar to‘lanadi.

Demak, N. ismli shaxsning voyaga etmagan o‘g‘li ushbu holatda bir vaqtning o‘zida, ham nogironlik nafaqasini, ham boquvchisini yo‘qotganlik pensiyasini olish huquqiga ega.

Норматив ҳужжатлар

bolalikdan nogiron nogiron OITS OIV orfan