Rossiyaga kirishga taqiqni bekor qilish haqidagi arizalarini ko‘rib chiqish tartibi
Chet el fuqarolari Rossiya Federatsiyasida bo‘lish, migratsiya ro‘yxatida turish yoki ishga joylashish qoidalarini buzganliklari uchun Rossiya qonunchiligiga ko‘ra, jarima qo‘llanilishi yoki Rossiyaga kirish huquqi sud qarori bilan cheklanishi va davlatdan chiqarib yuborilishi mumkin.
Rossiya Federatsiyasining davlat chegarasini noqonuniy kesib o‘tish Rossiyaga kirish huquqiga qo‘yilgan cheklovlar doirasida ma’muriy yoki jinoiy javobgarlikka sabab bo‘ladi.
Kirish taqiqlanganligi to‘g‘risidagi ma’lumotni quyidagi havola orqali aniqlash mumkin - www.fms.gov.ru
Rossiya Federatsiyasiga kirishga qo‘yilgan taqiqni olib tashlash uchun vakolatli organning kirishga ruxsat bermaslik to‘g‘risidagi qaroriga nisbatan sudga yoki Rossiya Federatsiyasi Ichki ishlar vazirligining Migratsiya departamentiga shikoyat qilish mumkin.
1993-yil 22 yanvardagi “Fuqarolik, oilaviy va jinoyat ishlari bo‘yicha huquqiy yordam va huquqiy munosabatlar to‘g‘risida”gi Minsk konventsiyasiga muvofiq O‘zbekiston Respublikasi fuqarolari Rossiya Federatsiyasi Ichki ishlar vazirligining hududiy bo‘linmasiga yoki Rossiyada taqiqni o‘rnatgan organga quyidagi manzillar orqali elektron murojaat yo‘llashi mumkin - www.mvd.rf va www.ps.fsb.ru.